maobadi patiharuka bichama pati yekata gaaarne ninarye gardai maobadi ko baithaK sakiyo
भिडियो हेर्न तल को बक्समा क्लिक गर्नुहोस
काठमाडौं, चैत ७ । एमाओवादीको केन्द्रिय समितिको बैठक सकिएको छ । पार्टी अध्यक्ष प्रचण्डले प्रस्तुत गरेको पार्टीको आगामी कार्यदिशा र नेताहरुले निभाउनु पर्ने कर्तव्य सहितको प्रतिवेदन पारित भएको छ । शनिबार बाट सुरु बैठकमा ७ वटै प्रदेश र जवस/मोर्चाका इन्चार्जहरुको संक्षिप्त रिपोर्टिङ गरेका थिए ।
पार्टी कार्यालय पेरिसडाँडामा दुइदिन सम्म बसेको बैठक प्रचण्डको राजनीतिक प्रतिवेदन पारित गर्दै सकिएको बैठकमा सहभागी एक नेताले बताए । पार्टी केन्द्रीय समितिको छैठौं पूर्ण बैठकबाट बैशाख मसान्तसम्म पार्टी सदस्यता नविकरण गरी सक्ने, बैशाख १० गतेसम्म संगठनका सम्मेलन सम्बन्धी कार्यविधि तय गरी सक्ने, जेठ १ गतेदेखि आगामि भाद्र मसान्त सम्ममा प्रदेशसम्मका सम्मेलनहरु जनसभाका बीच उद्घाटन गरी सम्पन्न गर्ने निर्णय गरेको छ ।
त्यसैगरी जवस÷मोर्चाका सदस्यता नविकरण÷वितरण गर्ने, स्थानीय तहदेखि केन्द्र सम्मका सम्मेलनहरु गर्ने निर्णय भएका छन् । केन्द्रीय समितिले वीर बहादुर गोले र धर्मशीला चापागाईलाई केन्द्रीय समितिमा थप गरेको छ । बैठकले सहिद, बेपत्ता र घाइते योद्धाहरुका लागि कोष खडा गर्ने निर्णय गरेको छ । बैठकले सरकारमा सहभागी मन्त्रीहरुको कामलाई अझै प्रभावकारी, जनमुखी, जनउत्तरदायी बनाउने निर्णय गरेको उनले जानकारी दिए
बैठकले सबै माओवादी पार्टीहरुका बीचमा पार्टी एकता गर्ने र अन्य क्रान्तिकारी वामपन्थीहरुको ध्रुवीकरण गर्ने निर्णय गरेको छ ।
बैठकले भूकम्प प्रभावित जिल्लाहरुको पुनर्निर्माणको काममा ढिलासुस्ती भएकोले केन्द्रीय समितिको बैठकले तदारुकताका साथ पुनर्निर्माणका कामलाई अगाडि बढाउन सरकारको ध्यानाकर्षण गरेको छ ।
बैठकले कर्णालीमा खडेरीका कारण भोकमरीको समस्या विकराल बन्दै गईरहेकोले यथाशीघ्र खाद्यान्न आपूर्तिका लागि सरकारको ध्यानाकर्षण गरेको छ ।
तल को बक्समा क्लिक गर्नुहोस
maobadi patiharuka bichama pati yekata gaaarne ninarye gardai maobadi ko baithaK sakiyo
Reviewed by Guru
on
9:54 PM
Rating:
No comments: